Shqipëria ka regjistruar 31 raste të reja me koronavirus gjatë orëve të fundit. Pjesa më e madhe janë kontakte familjare të rasteve të konfirmuara pozitivë, por ka disa raste të reja në proces hetimi në Elbasan, Vlorë, Shkodër dhe Tiranë.
Shpërndarja e rasteve të reja është si vijon: 8 raste në Tiranë, 6 në Pukë, 5 në Shkodër, 5 në Vlorë, nga 2 raste në Durrës, Krujë, Elbasan, dhe 1 rast në Lushnje. Ndërkohë që vihet ere një rënie e ndjeshme e numrit të të shtruarve në spital, ku një ditë më parë ishin 54 ndërsa sot janë 48 pacientë, prej të cilëve 7 ndodhen në terapi intensive.
Njoftimi: Shpërndarja e rasteve të reja është si vijon: 8 raste në Tiranë, 6 në Pukë, 5 në Shkodër, 5 në Vlorë, nga 2 raste në Durrës, Krujë, Elbasan, dhe 1 rast në Lushnje.
Lajmi i mirë është se gjatë 24 orëve të fundit numri i të shëruarve është më i lartë se ai i të prekurve nga Covid19. Janë shëruar 33 qytetarë.
Por pavarësisht përpjekjeve të mjekëve, një pacient nuk e ka fituar dot betejën me Covid19. Në 24 orët e fundit ka ndërruar jetë në spitalin infektiv një pacient 71 vjeçar nga Durrësi, i shtruar prej më shumë se dy javësh.
Aktualisht në spitalin infektiv po marrin sherbim 48 pacientë, prej tyre 7 janë në terapi intensive. Në vendin tonë janë aktualisht 346 persona aktivë me COVID19, kryesisht në Tiranë, Shkodër, Krujë ku ka transmetime komunitare.
Ministria e Shëndetësisë dhe Mbrojtjes Sociale ju fton edhe njëherë për t’u treguar të kujdesshëm për respektimin e rregullave dhe për të mos e ulur vigjilencën në asnjë moment. Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.
Shpërndarja gjeografike e rasteve aktive është si vijon: Tiranë – 199; Shkodër – 45; Krujë – 32; Kamëz – 23; Durrës – 15; Pukë – 7; Lushnje – 6; Vlorë – 6; Elbasan – 3; Mat – 2; Tropojë – 2; Korçë – 1; Librazhd – 1; Mallakastër – 1; Lezhë – 1; Berat – 1; Ura Vajgurore – 1.(A.M/Faxweb.al)
Discussion about this post