Pak orë më parë një ngjarje e rëndë është shënuar pranë zonës së ish-Fushës së Aviacionit, ku një djalë i ri ka rënë nga ballkoni i katit të shtatë i pallatit ku ai jeton.
Portali “JOQ” ka publikuar një foto nga ky moment, e realizuar nga dëshmitarët. Mësohet se i riu është i moshës 27-vjeçare.
Ai ka arritur të shpëtojë mrekullisht nga rënia, për shkak të tendës së vendosur në ballkonin e një apartamenti në katin e dytë. Pasi kështu është shmangur përplasja e tij drejtpërdrejt me tokën. 27-vjeçari është dërguar me urgjencë në spital, ku po merr edhe ndihmën e nevojshme mjekësore.
Ende nuk dihet nëse djali ka tentuar vetëvrasje apo ka rënë aksidentalisht. (D.D/Shuplaka)
