Ish-presidenti Bujar Nishani, i ftuar në debat, përmes një lidhje të drejtpërdrejtë në “Open”, u pyet se ç’mendonte ai për Astrit Patozin, dhe hapin që ai po ndërmerr kohët e fundit.
Nishani u shpreh se, Patozi është një figurë që ka dhënë kontribut të madh Partisë Demokratike, dhe se meriton respekt. Sipas tij nëse ka ardhur momenti që ai nuk e gjen më veten brenda PD-së dhe kërkon të shkojë diku tjetër apo të themelojë një parti të re, “kjo mbetet diçka në të drejtën e tij, si dhe të gjithsecilit pjesë e politikës”.
Po ashtu në lidhje me faktin nëse Patozi do të jetë apo jo pjesë e një partie të re, ish-presidenti shtoi se ai personalisht nuk ka ende një informacion zyrtar në lidhje me këtë çështje, mirëpo nuk hezitoi të shprehej se krijimi i kësaj partie nuk ishte një zhvillim real por i stisur.
Nishani deklaroi hapur se Rama për vite tashmë ka financuar asgjësimin e opozitës, ndërsa sipas tij të njëjtën gjë është duke bërë edhe me këtë lëvizje.
“Ne jemi vend i lirë dhe kushdo mund të përfshihet në politike, por këtu çështja është gjetkë. Edi Rama ka 20 vite në pushtet dhe nuk ka ofruar asnjë shërbim e kontribut publik”– u shpreh ai.
