Biografia e “Zezë” e vrasësit të ambasadorit rus, u shkarkua nga detyra pas tentativës për grusht shteti

Zbulohen detaje të reja mbi Mevlut Mert Altintas,  22-vjecari që vrau ambasadorin rus në Turqi.

Sipas agjencisë së lajmeve ruse ‘Tass’, i riu ishte ish-pjesëtar i policisë turke dhe ishte shkarkuar nga detyra pas tentativës së korrikut për grusht shteti në Turqi.

Ndërsa “Haberturk” raporton se Altintas, ka qenë pjesëtar i organizatës së Fetullah Gulenit. Kujtojmë këtu se Gulen akuzohet nga autoritetet turke, si organizatori i këtij grushti shteti.

Ndër të tjera, mediat turke raportojnë se i riu kishte bërtitur “Allah Akbar” dhe “Mos e harroni Sirinë”, përpara kryerjes së krimit.

Ambasadori Andrey Karlov, u qëllua me armë zjarri në momentin kur po mbante fjalim gjatë një ekspozite të artit pamor në Turqi. Edhe pse u dërgua në spital, ai nuk arriti dot t’i mbijetonte plagëve.

Gjatë sulmit mbetën të plagosur edhe tre persona të tjerë, që u shoqëruan në një spital, ndërsa Altintas u ekzekutua nga policia turke. (D.D/Shuplaka)