Bizneset në Elbasan dhurojnë mbi 50 milionë lekë për të prekurit e tërmetit

Bizneset në Elbasan kanë dhuruar deri më tani 350 milionë lekë (të vjetra), 50 mijë dollarë dhë 65 mijë euro.

Ndërsa të gjitha strukturat vendore dhe jo vetëm në Elbasan janë ngritur në këmbë për t’u ardhur në ndihmë njerëzve të prekur nga tërmeti në Durrës, Thumanë e Laç.

Vetëm në Elbasan, pas solidarizimit vetë bizneset kanë mbledhur dhjetëra miliona lekë, ndërsa vijojnë kontributet nga biznemenët dhe qytetarët elbasanas.

Ndërkohë edhe të ‘pasurit’ e Shqipërisë, qindra e mijëra qytetarë kanë dhuruar ‘cash’ për të prekurit e tërmetit katastrofik të 26 nëntorit ku vdiqën 50 njerëz, u plagosën mbi 900 të tjerë dhe mijëra shtëpi u rrënuan dhe u shndërruan në të pabanueshme.

10 milionë euro, 5 milionë dollarë dhe 156 milionë lekë është shuma e dhuruar deri në këto momente për banorët e prekur nga tërmeti në Shqipëri, pa përfshirë këto ato shuma personale që janë bërë në forma apo grumbullime të ndryshme.