Pas aplikimit të tarifës për kalimin e makinave në Rrugën e Kombit, kreu i Odës Ekonomike të Kosovës, Safet Gërxhaliu, ka thënë se kjo rrugë nuk meriton më të quhet “Rruga e Kombit”.
Gërxhaliu ka thënë se kjo rrugë është ndërtuar për të bashkuar shqiptarët, por vendosja e saj me një shifër nga më të lartat në Evropë, bën të kundërtën.
“Ky vendim është në kundërshtim me vendimet e qeverisë Rama, pra është kundër bashkimit të shqiptarëve dhe mbledhjeve të përbashkët të dy mbledhjeve Kosovë-Shqipëri. Kjo rrugë ka qenë bashkuese për shqiptarët dhe me këtë taksë që është shumë e lartë, ajo nuk e duhet ta ketë më këtë emër. Nuk jemi kundër pagesës së taksës së rrugës, por kjo që është propozuar dhe miratuar është njëra ndër më të lartat në rajon e Evropë”, ka thënë Gërxhaliu në RTK.
(F.G/Faxweb.al)
Discussion about this post