Në të gjithë qytetet e vendit bizneset e vegjël dhe të mesëm kanë ulur sot qepenat në shenjë proteste për vendosjen e TVSH-së.
Nga tregu elektrik në Tiranë, ai i Medresesë dhe në qytete të tjera tregtarët shprehen se e kanë të pamundur që të mbijetojnë me vendosjen e kësaj tarife.
Ndërkohë në terren bashkë me bizneset kanë dalë edhe deputetët e PD-së, të cilët shprehen se janë pranë qytetarëve në mënyrë që të shmangen presionet nga ana e inspektorëve tatimorë.
“Është një situatë ku mijëra qytetarë që e kanë mundësuar vetë punësimin e trye, goditen për ta përqëndruar të gjithë biznesin në disa pika. Qytetarët i janë përgjigjur në masë protestës së organizuar nga vetë ata, ne jemi kujdësur që të shmangen presionet nga ana e inspektorëve tatimorë, që i kërcënojnë me gjoba”, u shpreh Salianji nga tregu eletrik në kryeqytet.
Nga ana tjetër në terren do të jetë sot dhe kryedemokrati Lulzim Basha, i cili do të jetë në tregun e Medresesë.
(E.K/FAXWEB.AL)
