Arben Myzeqari është biznesmeni fierak që ka bërë kallëzim në prokurorinë e Fierit dhe në atë të Përgjithshme për kreun e Bashkisë Armando Subashi.
Ai e akuzon Subashin në studion e ‘’Fax News” për faktin se i është shembur biznesi (një restorant) pa të drejtë në kuadër të projektit për rivitalizimin e qendrës urbane të Fierit, ku u shembën 40 ndërtesa përgjatë lumit Gjanica.
Sipas denoncimit të tij, objekti në fjalë është ndërtuar në një truall me dokumente dhe se nuk ka marrë asnjë përgjigje për dëmshpërblimin e kërkuar pas shembjes së godinës.
Biznesmeni mes vuajtjes për humbjen e pronës u shpreh se Subashi duhet që të ishte prapa hekurave për krimin që ka kryer ndaj tij.
‘’Subashi po shpërdoron detyrën, duhet që të ishte pas hekurave, kush do ta ndalë dorën kriminale të tij? Kam prova për të gjitha veprimet e paligjshme që ai ka kryer pot e cila Prokurori ti dorëzosh.
Pak kohë më parë jam proceduar me pretendimin se kam kërcënuar prokuroren, pasi kam që nga viti 2011 që jam në procese gjyqësore me këtë shtet. Do rrij te dera e ministrit Xhafaj dhe prokurores Arta Marku. Unë kam të drejtë që ta quaj Subashin si kreun e një grupi të organizuar kriminal”, u shpreh mes të tjerash Myzeqari në studion e ”Fax News”.
(E.K/FAXWEB)
Me video ndiqni ngritjen e problematikës dje nga ana e tij:
https://www.youtube.com/watch?v=eiZ_M0H8V5Q&feature=youtu.be
Discussion about this post