Ministri Blendi Klosi ka takuar në Madrid biznesmenin Eugenio Galdo, i cili pak kohë më parë u bë protagonist i një përplasjeje në jug me Mihal Kokëdhimën, ku ky i fundit dh unoi familjen e spanjollit.
Por pavarësisht ngjarjes, Galdon duket se ka një tjetër mendim për shqiptarët, pasi do të rikthehet në Shqipëri për të rindërtuar një shkollë të dëmtuar nga tërmeti.
Postimi i Blendi Klosit:
Në Madrid, mëngjesi me Eugenio Galdon, që nga një incident i papranueshëm në verë, është shndërruar tashmë në mikun e Shqipërisë.
“Sa më shumë kalon koha, aq më shumë Shqipëria fiksohet në memoriet tona si vendi i një panorame natyrore të jashtëzakonshme dhe njerëzve mikpritës. Mihal Kokëdhima nuk përfaqëson as Shqipërinë dhe as shqiptarët”- thotë Eugenio.
Familja Galdon do të rikthehet në Shqipëri, por këtë herë në një tjetër cilësi: kontribuesit për rindërtimin e një shkolle të dëmtuar nga tërmeti. Kontributi i kësaj familje, do të vijë përmes Kryqit të Kuq dhe vetë djemtë e familjes Galdon do të jenë prezentë në vendin tonë.
(Lexo edhe ketu lajmin per Mihal Kokedhimen)
