Gazetari i njohur Bledian Koka reagon pas deklaratave të sotme të Andi Dobrushit, drejtori i Fondacionit Shoqëria e Hapur për Shqipërinë, i cili tha se mediat janë të keqinformuara për Reformën në Drejtësi.
Koka ironizon deklaratat e Dobrushit, duke thënë se ai ka të drejtë. Mediat janë vërtet të painformuara, por kjo pikërisht se kjo degë e SOROS-it në Shqipëri i ka mbajtur të gjitha informacionet të mbyllura në sirtarin e Fatmir Xhafës, sipas Kokës.
Gazetari përmend edhe një thënie të presidentit amerikan Donald Trump, të cilin e quan xhihadistin e tij të preferuar anti-Soros: Ditë më të zeza do të vijnë për ju!
KOMENTI I KOKËS:
“Shoqeria e Hapur me mendje te mbyllur…
Mekembesi i Sorrosit ne Shqiperi, paska thene sot se “Ajo që vërehet shpesh në media është raportimi i cekët për atë se çfarë është reforma në vetëvete, cilat do të jenë kostot dhe përfitimet për qytetarin shqiptar, integrimin në BE, etj”. Ai ne fakt ka shume te drejte.
Si mund ta dije media, se cfare ka gatuar Xhorxhi kur ai e mori draftin dhe pergjate gjithe procesit te diskutimit e mbajti te mbyllur ne sirtarin e Fatmir Xhafes, dhe fund e nxorri si fantin spathi duke e bere fakt te kryer.
Dhe gjate gjithe kesaj kohe, Fondacioni per Shoqeri te Hapur as u kujtua ndonjehere te zhvillonte ndonje takim qofte edhe informal me mediat, sepse qartazi Dobrushi i Sorrosit nuk kishte urdher te bashkepunonte me mediat, por me Fatmir Xhafen.
Dhe sot kur te gjitha veprimet okulte deri tek ajo e mbledhjes se firmave per peticionin pro-Reforme po i kthehen surratit, del e fajeson mediat se qenkan te painformuara. Prit prit se ske pare akoma asgje, dite me te zeza do te vijne per ju do te thoshte xhihadisti im i preferuar anti-Sorros, Donald Trump p.s…dhe na shtremberon edhe fytyren sikur ia kemi per borxh…ik mer… (D.D/Shhuplaka)
