I ftuar në emisionin “Xing” me moderator Ermal Mamaqin, gazetari Blendi Fevziu foli për projektet e librave të tij të ardhshëm. Ai lajmëroi se do të shkruajë një libër për ish-kryeministrin Sali Berisha pasi për të ai është një personazh shumë interesant për mënyrën se si e ka dominuar vendin këto vite.
I pyetur nga moderatori Mamaqi nëse do të ndihmohej nga ish-kryeministri për të shkruar librin ai u përgjigj: “Nuk bëhen biografi në bashkëpunim me personazhin sepse do të quhej biografi e autorizuar”. Prej vitit 2013 ka pasur ftohje mes tij dhe ish-kryeministrit Berisha dhe prej atij viti ky i fundit nuk ka shkuar më në emision megjithëse Fevziu ka qenë një nga njerëzit më të afërt të Berishës në qeverisjen e tij.
