Blendi Fevziu ka treguar sesi përpqiet që të mësojë shijet e publikut për të kapur edhe audiencë. Ai tregoi edhe për një sondazh me grupe fokusi të bëra në shërbim të rritjes së audiencës së emisionit.
“Ne bëmë një sondazh dhe doli që të rinjtë nuk e shihnin emisionin nëse nuk kishte një të ri nën 25 vjeç në studio sepse thoshin që na duket sikur janë prindërit që na bëjnë moral. Po kështu doli që me 8% rritej audienca nëse në panel kishe një femër”, tregoi Fevziu.
Për sa i përket pasioneve dhe udhëtimeve, Fevziu tha se i kanë pëlqyer gjithmonë zhytjet, çka e praktikon bashkë me vajzën, ndërsa bashkëshortja jo, por se tani ka mundësi teknologjike që e lejojnë t’i dokumentojë. Ai tha se më shumë i pëlqen Azia dhe Afrika.
“Shpeshherë udhëtimet në Europë më duken përsëritje. E papritura që të jep Azia, Afrika është e jashtëzakonshme”, tha Fevziu në emisioni “Chic” të Fjodora Fjorës.
Më tej ai tregoi se vetëm me politikë nuk mund ta mbash opinion publik. “Është bërë gati e pamundur ta mbash opinionin publik me politikë. Politika në vetvete është inekzistente. Ka shumë njerëz që as personalisht nuk i duroj dot, por nuk ka lidhje. Emisioni s’ka lidhje me emocionet personale. Emocionet personale nuk kanë vlerë, kështu i kam thënë edhe stafit. Ka pasur një përzgjedhje. Kam lënë jashtë njerëz që ti e kupton që shpifin. Në emision asgjë nuk është kot”, tha Fevziu. (J.V/Shuplaka)
