Kryeministri Edi Rama ka mbledhur këtë të hënë Kryesinë e PS-së në selinë rozë. Gjatë takimit ne seli është diskutuar mbi organizimin e zgjedhjeve parlamentare, që do të mbahen më 11 Maj 2025. Në këtë takim u zyrtarizuan ndryshimet e drejtuesve politik të Qarqeve.
Sekretar i Përgjithshëm i PS-së Blendi Klosi është emëruar drejtues politik i PS-së në Qarkun e Dibrës. Në këtë post ai do të zëvendësojë Blendi Gonxhen, i cili është transferuar si drejtues politik i PS në Tiranë, ku do të mbulojë zonën e Kombinatit.
Si Klosi dhe Gonxhe kanë nisur prej ditësh punën në detyrat e re, por sot do të bëhet zyrtarizimi nga Kryesia. Bashkë me Blendi Gonxhen, numri i drejtuesve politik të PS-së në Tiranë shkon në 4 bashkë me Erion Veliajn, Ogerta Manastirliun dhe Elisa Spiropalin, ku kjo e fundit është caktuar për të mbuluar bashkitë e vogla si Rrogozhina, Vora dhe Kavaja.
Ndërkohe ministri Pirro Vengu i është bashkuar Vlorës si mbështetës drejtuesit të qarkut, Bledi Çuçit.
Në fokus të mbledhjes ishin zgjedhjet e ardhshme parlamemtare, që do të mbahen më 11 maj 2025. Strukturave iu kërkua që të kenë angazhim maksimal.
Ndërkohë, gjatë mbledhjes së sotme, kanë qenë të lidhur online edhe kryebashkiakët socialist, ku siç duket, Edi Rama vazhdon akoma ta ketë shqetësim votën e diasporës.
Rama iu ka kryebashkiakëve më shumë angazhim për votën e diasporës. Kujtojmë se ditët e fundit janë publikuar denoncime ku administratës po i bëhet presion, pasi duhet të plotësojnë formularë me emra emigrantësh.
Presidenti i Republikës, Bajram Begaj, ka dekretuar 11 majin si datë për mbajtjen e zgjedhjeve të përgjithshme në Shqipëri.
Discussion about this post