KLSH ka gjetur shkelje gjatë një auditimi bërë në burgjet shqiptare, konkretisht në tenderin e ushqimeve dhe ilaçeve te skaduara, konkretisht me vlera 2.349.413 dhe 1.863.910 lekësh.
KLSH ka kërkuar nga Prokuroria nisjen e hetimeve dhe nga Ministria e Drejtësisë shkarkimin e Drejtorit të Përgjithshëm të Burgjeve, Agim Ismaili, por deri më tani institucionet kanë heshtur, pavarësisht se kanë kaluar 20 ditë nga dorëzimi i raportit.
KLSH i kërkon Ministrisë së Drejtësisë që të ngrejë një grup pune për të analizuar shkaqet dhe mangësitë që kanë çuar në këto problematika të këtyre tenderave, si dhe marrjen e masave të personave përgjegjës.
Në raportin e tij të auditimit, KLSH i rekomandon Ministrisë marrjen e masave vërejtje deri në shkarkim nga puna të Drejtorit të Përgjithshëm të Burgjeve, Agim Ismaili, dhe 3 zyrtarëve të tjerë.
Ndërsa Prokurorisë i kërkon që të nisë hetimet për këto tendera në mënyrë që të vihen para drejtësisë personat përgjegjës, nëse gjenden të vërteta shkeljet e konstatuara.
“I rekomandojmë Ministrit të Drejtësisë si institucion epror, referuar shkeljeve të konstatuara në fushën e prokurorimeve publike dhe menaxhimit financiar si dhe përgjegjësive individuale të evidentuara dhe pasqyruar në aktkonstatimet përkatëse dhe pjesës së raportit Përfundimtar të Auditimit, të vlerësojë shkeljet e konstatuara dhe të vendosë marrjen e masave disiplinore “vërejtje deri në largim nga shërbimi civil (Për punonjësit që janë pjesë e shërbimit civil) ose largim nga puna (Për punonjësit që janë punësuar sipas Kodit të Punës), si më poshtë vijon:
- z.Agim Ismali, Drejtor i Përgjithshëm i Burgjeve në cilësinë e titullarit të AK-së.
- zj.Avidiana Pali, Drejtor i Financës në cilësinë e Nëpunësit zbatues.
3.z.Ardit Tabaku Drejtor Juridik në cilësinë e anëtarit të KVO.
4.z.Arjan Koçiaj në cilësinë e anëtarit të KVO“, thuhet në dokument nder te tjera.
(E.H/Faxweb.al)
