Pak ditë më parë, ish-ministri i Drejtësisë, Ylli Manjani, shprehu shqetësimin për rënien e prodhimit dhe tregtimit të mjaltit për shkak të ikjes së bletëve si pasojë e konsumimit të hashashit. Reagimi i tij u ndoq me atë të Elisa Spiropalit, e cila iu kthye ashpër.
Së fundmi, Manjani flet sërish për ndikimin e hashashit tek bleta, dhe jo vetëm tek ajo, por edhe tek lopa, duke rrëfyer një ngjarje të vërtetë që i ka ndodhur një mikut të tij.
Ai tregon se i njohuri i tij mbeti pa mjaltë për shkak të ikjes së bletëve, i cili teksa kërkonte për mjaltë ishte njohur edhe me “kolapsje” të lopës, e cila kishte ngrënë diçka të gjelbër diku aty afër shtëpisë.
Shkrimi i Ylli Manjanit
Ngjarje e vërtetë…
Një i njohuri im, merakli i mjaltit dhe i prodhimeve ushqimore të shtëpisë, vajti si zakonisht të blejë mjaltin e përvitshëm. E blen në një fermer nga malësitë e Beratit (në kufi me Skraparin). Mjalti që blinte aty ishte vërtetë i mirë.
Këtë vit, i tha fermeri qe “ska mjaltë”! Ka ikur bleta! Miku im e mori për shaka në fillim! Kujtoi se ” ikja e bletës” ishte si metaforë që njerëzit e përdorin në kushte vështirësish, ose thjesht stresi.
Por, jo, fermerit i kishte ikur vërtetë bleta! E bashkë me bletën e vërtetë i kishte ikur praktikisht edhe “bleta” tjetër -Truri! Prodhonte mjaltë të mirë “për merak” dhe e kishte të shitur. Tani ska çtë shesë!
Por nuk mbaroi këtu aventura e mikut tim, që po kërkontë mjaltin e përvitshtshëm! Fermerit të bletëve (të ikura tashmë) i ishte kolapsur dhe lopa!
“Kolapsur” ishte fjala që i kishte ardhur ndërmend sepse nuk dinte ç’emër tjetër ti vinte. Lopa kish ardhur nga kullota dhe sapo e kishin futur ne haur nuk merrte e as jepte më. E kishin kujtuar të ngordhur,por, jo ishte me trup të ngrohtë dhe merrte frymë. Thjesht qe shtrirë dhe as hante, as pinte, as ngrihej e as hapte sytë! Qumësht, as që bëhej fjalë.
Tre ditë me radhë lopa kish ndenjur ashtu e kolapsur, as e ngordhur e as e gjallë! As mjaltë e as qumësht… Diku aty afër shtëpisë dikush kishte mbjellë dicka të gjelbër…
Miku im u kthye ne Tiranë dhe e rrëfeu ketë ndodhi jo pa humor ne fakt. Me këtë rast mësuam se bleta dhe lopa nuk reagojnë njësoj në hashash.
Bleta ikën, kurse lopa e ha dhe llullatet me të… Çfarë dallimi!
Ndërkohë as mjaltë e as qumësht… Kemi vende të reja pune!
(XH.A/SHUPLAKA)
