Sekretari amerikan i shtetit Antony Blinken do të takohet sot me Sir Keir Starmer për të diskutuar konfliktin në Lindjen e Mesme dhe përpjekjet për të mbështetur Ukrainën në luftën e saj kundër Rusisë.
Vizita e tij në Londër vjen pasi presidenti Joe Biden dhe nënpresidentja Kamala Harris, e cila është gjithashtu kandidate presidenciale demokrate, janë nën presion për të pezulluar disa dërgesa armësh në Izrael. një vendim që qeveria e Mbretërisë së Bashkuar mori javën e kaluar.
Blinken do të takohet gjithashtu me Sekretarin e Jashtëm David Lammy për të diskutuar elementët kryesorë të marrëdhënieve MB-SHBA, duke përfshirë mbrojtjen dhe sigurinë, Europën, Ukrainën, Lindjen e Mesme, Indo-Paqësorin dhe prioritete të tjera globale.
I pyetur nëse Britania dhe SHBA-ja mbeten të bashkuara se si të shkojnë për uljen e tensionit në Lindjen e Mesme, gjeneral Lord Richard Dannatt, ish-shefi i shtabit të përgjithshëm tha për Sky Neës se vendimi për armët mund të shihet si një “çarje mes qëndrimi britanik dhe të SHBA-së”.
Discussion about this post