Bllokimi i anijes në Libi, ambasadori shqiptar: Situata është nën kontroll

Pas bllokimit të anijes shqiptare në Libi, ka reguar ambasadori shqiptar në  Kajro, Eduart Sulo.

Sipas “Report tv”,  Sulo është shprehur se situata është nënkontroll dhe se marinarët shqiptarë janë në gjendje të sigurt.

“Mësuam lajmin dje paradite për ngjarjen me anijen në pronësi të një kompanie shqiptare, dhe marinarët janë kapur nga autorietet libiane me pretekstin se kanë marrë materiale ndërtime në mënyrë ilegale nga Libia. Ndërëhyrja jonë ishte e menjëhershme dhe ne kemi marrë kontaktet me ambasadën libiane, në mënyrë që të ndërhyjmë për të ditur gjendjen  e marinarëve shqiptarë dhe për të kërkuar mbrojtjen e tyre. Theksoj se  anija është ankoruar në një port afër Tripolit dhe gjendja marinarëve dhe anijes është e sigurt.Autoritetet  po procedojnë me shpejtësi të madhe.Po ndjekim nga afër këtë situate edhe Ministria e Jashtme shqiptare ka ndërhyrë dhe e ka nën kontroll situatën”, tha  Sulo.

Ndërkohë që më herët ka reguar edhe ministria e Jashtme, ku bëri të ditur se 5 marinarët shqiptarë janë në gjendje të mirë shendetësore dhe se po kryhen të gjitha procedurat për  kthimin e tyre.

(S.SH/Shuplaka)