Mazhoranca ka dorëzuar një kërkesë në Komisionin e Etikës në Kuvend për përjashtimin e 4 deputetëve të opozitës pas kaosit në seancën e fundit plenare si dhe për bllokimin ditën e djeshme të Komisionit të Reformës Zgjedhore.
PS kërkon përjashtimin e deputetëve: Gazment Bardhi, Flamur Noka, Asllan Dogjani dhe Bledion Nallbati.
Kujtojmë se ditën e djeshme ishte caktuar mbledhja e rradhës së Komisionit të Reformës Zgjedhore në ambjentet e Kuvendit. Deputetët e Rithemelimit dhe grupimi i Gazment Bardhit shkuan më herët duke bllokuar sallën e punimeve të Komisionit. Ata nuk lanë të futej brenda në sallë bashkëkryetari socialist i reformës Damian Gjiknuri.
Ndërsa dy ditë më parë në seancën plenare në parlament që zgjati për 15 minuta, Garda fillimisht nuk lejoi deputetët e opozitës të futeshin brenda në sallë. Më pas deputetët Bardhi, Dogjani dhe Nallbati u futën dhe tentuan të konfliktoheshin me kryeministrin Rama, por forcat e gardës nuk i lejuan.
Discussion about this post