Autoriteti Kombëtar i Ushqimit disa ditë më parë ka bllokuar një ngarkesë me miell gruri e cila vinte nga Kosova dhe Serbia.
Alban Zusi president i Qendrës së Eksporteve Shqiptare i ftuar në Fax News u shpreh se bllokimi i produkteve vjen si pasojë e standarteve dhe nuk do të krijojë asnjë problem në tregtimin midis dy vendeve.
“Bllokimi i importeve të disa produkteve, mielli, por nuk është i vetmi ka dhe shumë të tjera produkte që janë bllokuar. Brenda të njëjtave standarte pa pasur asnjë rregullim ligjor, thjeshtë me rrespektimin rigoroz të standarteve ne kemi një përmirsim të situatës për sa i përket cilësisë së miellit.
Vendosja e standarteve dhe rrespekimi i standarteve është një kulturë që duhet ta adoptojnë të gjithë trevat shqiptare.
Standartet nuk lëvizin. Ajo çfarë deklarohet duhet të jetë e njëjtë me atë që ka brenda produkti. Çdo produkt shqiptar që nuk plotëson standartet duhet të kthehet mbrapsht, nëse është i dëmshëm. Nëse kostoja për të pasur marrëdhënia të mira me Kosovën qennka në sakrificë të shëndetit tonë, unë nuk e pranoj fare këtë gjë.”
Për sa i përket taksës në rrugën e Kombit, Zusi u shpreh se do të ketë pasoja për biznesin e vogël dhe të mesëm.
“Padiskutim që do të ketë pasoja edhe kështu siç jemi ka shumë pengesa ne si qendër ekportësh kemi bërë një studim për barrierat shqipare që ekzistojnë midis vendeve tona.
Bën më të pamundur tregtin ndërmjet dy vendeve tona sidomos në biznesin e vogël dhe të mesëm. Do të ketë më shumë kontrabandë ndërmjet dy vendeve edhe kështu siç është situata është e rënduar.
Kemi dërguar shqetësimet tona për të thjeshtuar tregtinë ndërmjet vendeve tona. Do vazhdojmë që ta ngrejmë me forcë, por taksa e rrugës e rëndon këtë situuatë. Çështja qendron në nivelin e tarifimit, por a është kjo tarifa që duhet të paguajmë së dyti, a mos duhet të shohim kategori të përjashtuar nga kjo lloj taksash. Ka për të dhënë pasoja.”
(M.Q/Faxweb)
