Deputeti Ben Blushi ve gishtin e fajit mbi kryeministrin Edi Rama sa i përket bllokimit të hapjes së negociatave për anëtarësim në Bashkimin Europian.
Sipas Blushit, “ky është çmimi i kanabisit, i banditëve që hyjnë në Kuvend, i vonesës së Reformës në Drejtësi dhe i parave që rrezikojnë të blejnë zgjedhjet”.
Në fund të postimit të tij, deputeti i LIBRA-s shton se, Rama, Berisha dhe Meta janë personat që kërcënojnë Shqipërinë.
Ja çfarë shkruan Ben Blushi:
“EUROPA NA E SHTYU TAKIMIN. KUSH MBAN PËRGJEGJËSI?
Bashkimi Europian nuk na caktoi serish datë për hapjen e negociatave. Është njëlloj sikur të të ftojnë për kafe por mos të thonë as ditën, as orën dhe as vendin. Ky është çmimi i kanabisit, i banditëve që hyjnë në Kuvend, i vonesës së Reformës në Drejtësi dhe i parave që rrezikojnë të blejnë zgjedhjet! Ndërkohë tre pergjegjësit e shtyrjes së takimit me Europen janë të ngarkuar me punët e tyre të perditshme: Deliri kërcënon Europën, Saliri kërcënon Delirin, ndërsa Iliri kërcenon veten. Në fakt të tre kërcënojnë Shqipërinë”.
Ministrat e Jashtëm të BE vendosën sot se, Shqipëria duhet të përmbushë 5 kushtet për hapjen e negociatave, por pa dhënë asnjë datëse kur do të bëhet kjo.
Discussion about this post