Kryetari i Bashkisë së Tiranës, Erion Veliaj ka komentuar protestën e fundit të opozitës si dhe deklarata e bëra për mospjesëmarrjen në zgjedhje. Veliaj tha se ndaj atyre që do të pengojnë do të veprojë ligji.
“Mua këto ekskursione në Tiranë me dhunë apo djegie gomash me duket një autogol. Shoqëria jonë është e emancipuar, ka politikanë që duan të sjellin ’97. Pyetja që unë iu bëjë qytetarëve: do luftosh për fëmijët e vetë, apo për fëmijët e Bashës që i ka në Holandë. Nishani i bëri fëmijët austriakë. Zgjedhjet janë që populli zgjedh partitë, ti nuk i thua dot popullit s’jemi gati ne”, tha Veliaj në një intervistë për Abc News, duke e cilësuar “idiotësi epike”, bllokimin e rrugëve.
Sipas kryebashkiakut opozita nuk janë vetëm dy-tre parti, duke theksuar se në KQZ janë regjistruar dhe parti të djathta.
Veliaj tha se zërat e dalë për një mosmarrëveshje me Ramën ishin vetëm fantazi. Sa i përket marrëdhënies me kryetaren e LSI-së, ai tha: S’kam asnjë marrëdhënie. Kanë qenë në aleancë në bashki, ka vite që s’vjen në Këshillin Bashkiak. Sa i përket të ardhmes politike, ai tha se nuk e ka në planet e tij të jetë kryeministër por kërkon të jetë kryetar bashkie për 3 mandate
Discussion about this post