Zëdhënësja e qeverisë, Elisa Spiuropali ka deklaruar menjëherë pas mbylljes së protestës së opozitës (e cila për rreth dy orë në formën e një mos bindjeje civile bllokoi të gjitha akset kryesore në vend), se me këto protesta qeveria mund të mbretërojë 100 vjet.
“Me këto protesta qeveria rron e mbretëron për 100 vjet. U zunë rrugën shqiptarëve për punë, spitale, po bllokojnë ekonominë, dhe në përgjithësi është tentativë për t’i zënë rrugën shqiptarëve dhe Shqipërisë”.
Gjatë një interviste në Abc News, Spiropali tha gjithashtu se askush nuk e ngre çështjen e opozitës si diçka serioze, duke argumentuar se askush nuk toleron një sjellje që destabilizon.
“Askush nuk e ngre çështjen e opozitës si çështje serioze. Nuk ka ndërmend njeri t’u hapë rrugë në zgjedhjen që ata kanë bërë për të shkuar drejt dështimit politik. Është zgjedhje e tyre, janë këshilluar nga partneret e SHBA e BE që të mos e hedhin këtë hap, zgjodhën ata bëjnë dhe tani janë në situatën që shohim. Por askush nuk toleron një sjellje që destabilizon”.
(F.GJ/FAXWEB.AL)
Discussion about this post