Në një intervistë për Fax News, i pyetur për rastin e djeshëm të një shtetasi nga Durrësi që kërkoi ndihmë të kthehej në Shqipëri, ambasadori shqiptar në Kosovë, Qemal Minxhozi tha se, sipas rregullit të javës së fundit ata shtetas do të qëndrojnë në Kosovë.
Ambasadori tha se deri para një jave janë marrë masat duke ju siguruar edhe transport nga Ambasada për në Shqipëri dhe se rreth 150 shqiptarë janë kthyer në vendin tonë.
Minxhozi tha se ata që kanë ngelur jashtë vendit do qëndrojnë në Kosove pas këtij vendimi të qeverisë dhe deri në daljen e një njoftimi tjetër.
