Deputeti i Lëvizjes Socialiste për Integrim dhe ish-dekani i Fakultetit të Historisë dhe Filologjisë Shezai Rrokaj ka reaguar lidhur me bllokimin të sinjalit që TVSH i ka bërë televizioneve të tjera, duke ruajtur vetëm për vete të drejtën për të transmetuar nga Kuvendi.
Rrokaj shprehet se LSI e kishte kuptuar që në fillim këtë “model të ri të demokracisë” apo “demokraturës”, siç e quan ai.
Deputeti shprehet qartazi kundër këtij veprimi, ndërsa shprehet se kështu ndodh kur popullit i shërbehet vetëm fasada.
KOMENTI I RROKAJT
Keshtu ndodh kur popullit i sherbehet vetem fasada dhe, kur eshte fjala per te verteten, çdo gje mbyllet brenda mureve: mbyllen ekranet e mediave qe i bejne fresk Qeverise, kyçen informacionet ne institucione; terr informativ mbi reformen institucionale, paqartesi mbi reformat e mandatit te ri te Qeverise se vjeter.
Administrata e shtetit ndodhet ne çoroditje totale. Institucionet qe do te perthithen nga institucionet eprore jane ne kolaps marredheniesh ekonomike e administrative. Korridoreve gelojne sekseret ne pritje te prese dhe çmimit qe kerkohet per ruajtjen e vendit te punes. Te gjithe ne terr, veç Qeverise dhe tentakulave te saj.
Te gjithe ne terr veç kur fjala eshte per fasada. Kesi rastesh jane buka e dites se mediave te shitura dhe bizneseve te Qeverise, te analisteve servile e killer scriptae, qe paguhen per fasaden e dites dhe e kane gati thiken pas shpine naten kundershtarit te saj. Lsi e kishte kuptuar qysh ne qeverisje kete model te ri demokrature, i mbuluar me tisin e demokracise se fasades. Ajo i foli te verteten ne sy popullit, me program dhe dere me dere.
Populli nuk ka kuptuar gje akoma. Zaten ç’te kuptoje, kur ende flitet vetem per timon e tepsi. Tani tepsine e merr Qeveria, popullit i ka lene timonin per te shkuar ne drejtim te paditur. Por ne jemi ketu per ta kthyer demokraturen e shtirur te fasades se ekraneve ne demokraci, e cila fillon me betejen per lirine e shprehjes dhe te mediave prej pushtetit dhe zgjedhjet e lira, ku vota e qyterarit vlen njelloj kudo dhe nuk deligjitimohet prej trysnise e terrorit shteteror si dhe blerjes se votes me parate e droges. Ne do te behemi nje shprese dhe nje shans per te gjithe. (D.D/Shuplaka)
