Edi Rama ka paralajmëruar se në orët në vijim mund të ketë ndrërprerje të transportit publik në qytetet e Tiranës dhe të Durrësit ndërsa argumentoi se janë qendrat urbane më të ekspozuara ndaj pandemisë së koronavirusit.
Ai sqaroi edhe pozicionin e qeverisë për mbylljen e fabrikave dhe kompanive me shumë punonjës duke argumentuar se nëse ndjekin udhëzimet mund të vijojnë aktiviktein e tyre.
“Po i mbyllëm të gjitha menjëherë duket sikur këtu po bëjmë çudi sepse nuk ka ardhur fundi i botës, o ekzistenca mbi glob o korona. Jo dujhet të mendojmë se ka edhe një jetë që vazhdon. Kjo është një situatë që do zgjas por jo pafundësisht. askush nuk këshillon masa drastike aq më tepër kur ne jemi në kurbën e rritjes. Ajo që do imponojmë është krijimi i distancave të sigurisë aty ku punohet dhe kushteve të mbrojtjes. Në atë vend ku ka shumë njerëz të gjithë duhet të jenë të pajisur me masa mbrojtëse. Kjo është e mundur të bëhen”.
“Kemi vendosur ndalimin e aktivitetit të gjitha bar-eve dhe restoranteve dhe ta shoqërojmë këtë me një sanksion nëse ata tentojnë ta hapin aktivitetin. Megjithatë duhet të falënderoj një pjesë të madhe që janë ndërgjegjësuar vetë dhe e kanë mbyllur aktivitetin. Do të shohim mundësinë e ndalimit e transportit urban në Tiranë dhe Durrës, sepse këto janë qytete më të mëdha dhe me një numër të prekur më lartë në krahasim më vendet e tjera. Asnjë shtet nuk e ndali dot përhapjen e virusit, por ka shumë mundësi se si ndërton sistemin mbrojtës dhe këto masa janë pikërisht për mbrojtjen tonë. Ajo që u ndodhi vendeve që nuk i morën këto masa në momentin e shpërthimit, të mos na ndodhi ne. Po i marrim që në momentin e shpërthimit këto masa për të frenuar përhapjen, numri i të infektuarve do të rritet dhe mos u çudisni”, tha Rama.
(F.GJ/FAXWEB.AL)
Discussion about this post