TVSH ka vendosur që të lërë pa sinjal televizionet informative. Kjo për shkak se televizioni i vetëm që ka të drejtën e transmetimit nga Kuvendi është TVSH. Pikëpyetja që ngrihet është e thjeshtë; kush e ka urdhëruar TVSH-në të ndërmarrë një akt të tillë?
Opozita kërkon ndërprerjen e seancës parlamentare. Këtë e ka ngritur si shqetësim në seancë edhe deputeti i PD e njëherazi kryetari i grupit parlamentar, Edmond Spaho, i cili kërkoi madje edhe ndërprerjen e seancës.
“Media është prezente nuk ndërpritet seanca”, iu përgjigj kreu i Kuvendit Gramoz Ruçi.
Një përgjigje për pyetjen se kush e ka urdhëruar ndalimin e sinjalit e ka dhënë ish-kryeministri Berisha.
“Ndërprerja e sinjalit të mediave përbën një atentat të rëndë, një akt prej xhelati të Gëllcit të zi dhe më shumë se gjithë të tjerëve të Ramës së zi. Dhe kur hapim derën e frigoriferit gjejmë Ramën, ndërsa tani kërkon që të mbyllë sinjalet.
Kërkoj që menjëherë të mblidhet Kryesia e Kuvendit, është një dhunim i të drejtës së informacionit, që lidhet më së shumti me të vërtetën dhe transparencën. Unë jam këtu për të dënuar këtë akt të papranueshëm.
Vetëm ai që ka frikë nga 2.4 milionë vota kundër dhe abstenime, mund të ndërmarrë një akt të tillë. Iu bëj thirrje gazetarëve që të bëjnë format e protestës së tyre. Është i turshëm, që i kthehen kohërave më të zeza”, u shpreh jashtë Kuvendit ish-kryeministri Berisha.
(E.K/SHUPLAKA)
