Bllokohen pranë ishujve të Ksamilit, policia shpëton katër të rinjtë nga mbytja

Policia ka arritur sot që të shpëtojë nga mbytja, katër pushues të cilët kishin mbetur të bllokuar pranë ishujve të Ksamilit teksa po shëtisnin me një varkë.

Pushuesit e bllokuar kanë kërkuar ndihmën e policisë me anë të telefonit, pasi varkës së tyre i ishin prishur pedalet.

Për fat të mirë, bardhë e blutë kanë mbërritur në koë duke shpëtuar të rinjtë nga mbytja.

Personat e shpëtuar janë:

-K.S i datëlindjes 1991 banues në Tiranë

-O.Xh i datëlindjes 1981 banues në  Tiranë.

-M.B i datëlindjes 1990 banues në Tiranë.

-E.Pi datëlindjes 1991 banues në Tiranë.

DETAJET E POLICISË

Ksamil – Sarandë.

Policia Kufitare u vjen në ndihmë dhe shpëton 4 shtetas në Ishujt e Ksamilit.

Rreth orës 17:00, shtetasi K.Sh, ka kërkuar ndihmën e Policisë Kufitare , se tek Ishujt e Ksamilit, ndodhej me një mjet detar tip pedalon, me 3 shtetas të tjerë, dhe mjetit nuk i fuksiononin pedalet pasi i ishin bllokuar.

Menjëherë në ndihmë të tyre ka shkuar Patrulla e Stacionit të Policisë Kufitare në Ksamil me mjetin lundrues ku ka kontaktuar me personat me pedalon duke u dhënë ndihmën e nevojshme dhe duke i shoqëruar në breg pa probleme.

Shtetasit K.Sh, O.Xh, M.B dhe E.P, iu dha ndihma nga ana e Policisë Kufitare janë këshilluar që të tregojnë kujdes kur marrin mjete lundruese në përdorim.

(D.D/Shuplaka)