Nga sot ora 15:00 qarkullimi i makinave në autostradën Tiranë-Elbasan do të bllokohet, duke nisur nga rrethrrotullimi i Teg-ut për tu hapur sërish Ditën e Verës.
Njoftimi është bërë nga ARRSH e cila saktëson se po kryhen punime në karrexhatën e djathtë të kësaj autostrade, e cila aktualisht përdoret nga drejtuesit e mjeteve. Gjithashtu ky autoritet sqaron se punimet vijojnë në karrexhatën e majtë e cila do të hapet rishtazi për trafikun në 14 mars.
Për këtë arsye gjatë këtyre dy ditëve 12-14 mars do të bëhet devijimi i trafikut në rrugën nacionale ekzistuese “Tiranë- Elbasan” dhe Ditën e Verës të dy karrexhatat do të jenë të hapura deri në Ibë, dhe nga Iba deri në Tunelin e Krrabës do të jetë e hapur karrexhata e majtë për trafikun duke ndihmuar kështu dhe lëvizjen nga Tirana drejt Elbasanit dhe anasjelltas.
Njoftimi i plotë:
Në kuadër të përfundimit të pjesës kryesore të punimeve në segmentit nr. 1 të (TEG-Tuneli i Kërrabës) të projektit të ndërtimit të rrugës “Tiranë-Elbasan”, po planifikohet dorëzimi dhe hapja e trafikut në këtë segment, duke filluar nga data 14 Mars 2019, seksionet si më poshtë:
– Të dyja karrexhatat e segmentit nga rreth rrotullimi Teg km 0(2+800) deri tek rreth rrotullimi Ibë km 10+500,
– Karrexhatën e majtë të segmentit nga rrotullimin Ibë km 10+500 deri tek hyrja e tunelit të Krrabës km 13+000(15+850).
Për kryerjen e punimeve përfundimtare dhe dorëzimin e këtyre segmenteve propozohet devijimi i trafikut në rrugën nacionale ekzistuese “Tiranë-Elbasan” pasi karrexhata e djathtë e këtij segmenti, që aktualisht është në dispozicion të trafikut, do të jetë totalisht e bllokuar tek km 0 (2+800) në afërsi të rrethrrotullimit TEG, nga sot data 12 mars ora 15:00 deri ne 14 Mars 2019.
Bashkëpunimi i qytetarëve për devijimin e trafikut në rrugën nacionale ekzistuese “Tiranë-Elbasan”, është i domosdoshëm për të garantuar përfundimin e punimeve dhe vendosjen në përdorim të trafikut të seksioneve të sipërpërmendura nga data 14 Mars 2019.
Nga kjo datë, të dyja karrexhatat e segmentit nga rreth rrotullimi TEG km 0(2+800) deri tek rreth rrotullimi Ibë km 10+500, do të jenë të kompletuara me të gjithë elementët e sigurisë rrugore në përputhje me projektin dhe në funksion të plotë te trafikut sipas senseve respektive të lëvizjes. Nga rreth rrotullimin Ibë km 10+500 deri tek hyrja e tunelit te Krrabës km 13+000(15+850), në dispozicion të përdoruesve do të jetë karrexhata e majtë për të dyja senset e lëvizjes (Tiranë –Elbasan dhe Elbasan- Tiranë), deri në përfundimin e punimeve civile të këtij segmenti.
