Një zhvillim i minutave të fundit është mësuar nga Kakavija. Prej orës 00:00 e deri në orën 07:30 pala greke në Kakavijë nuk ka lejuar kalimin e shtetasve shqiptarë për në Greqi.
Kjo pasi sipas tyre pretendohej se kishte probleme sistemi i kontrollit Shengen ç’ka lejonte hyrjen vetëm të mjeteve dhe personave që dispononin pasaporte greke apo dhe pasaporte të BE.
Në radhë gjatë gjithë natës kanë qendruar për të kaluar drejt Greqisë 5 autobuzë dhe dhjetëra makina me njerëz.
Duke ditur dhe temperaturat e ulëta që janë në këtë stinë të vitit, gjendja për udhëtarët është paraqitur mjaft problematike.
(E.K/SHUPLAKA)
