Nuser Yassin është blogeri i njohur që ka vizituar Shqipërinë, ku edhe ka ndarë me ndjekësit e tij gjërat që i kanë më shumë përshtypje në vendin tonë. Dhe nuk kishte si të ndodhte ndryshe për blogerin arabo-izrailian Shqipëria mban rekordin për numrin e kafeneve që ka.
Ai ka publikuar edhe një video një minutëshe ku i bën reklamë Shqipërisë.
“Ky shtet i vogël i Evropës nuk prodhon kafe. Por Shqipëria ka numrin më të madh të kafeneve për banorë. Në çdo cep ka nga një kafene”, shkruhet në video.
Blogeri nuk harron të vërë në dukje që në Shqipëri nuk ka asnjë Starbucks
“1 kafene për 169 njerëz dhe nuk ka asnjë Starbucks. Shqipëria është një vend mikëpritës dhe kafenetë në vend janë të lira, të shijshme dhe mos hezitoni ta vizitoni”, shkruan ai krahasi videos.
(J.D/Faxweb.al)
Discussion about this post