Blushi e kundërshtoi me forcë, por Kuvendi e miratoi projektligjin për fshirjen e detyrimeve tatimore

Në seancën e sotme plenare, janë miratuar 7 prej 27 projektligjeve të Reformës në Drejtësi, projektligji për lirimin e frekuencave dixhitale, si edhe projektligji që aq shumë u kundërshtua nga kreu i LIBRA-s Ben Blushi.

Projektligji për fshirjen e Detyrimeve Tatimore u miratua me 86 pro si edhe 2 kundër. Kështu Blushi, edhe pse bëri goxha rezistencë në Parlament, Kuvendi nuk i mori parasysh argumentet e tij se ky projektligj ishte vëtëm për bizneset e mëdhenj. Kujtojmë se opozita nuk mori pjesë në votim.

“Përfshirjen apo shuarjen e detyrimeve tatimore, që shumë qytetarë për arsye të ndryshme, faliment, apo evasion s’i kanë paguar shtetit detyrimet tatimore, ky ligj që nuk kuptohet qartë çfarë është, parashikon që nga borxhi që është 170 milidiard, Rama fali vetëm 50 miliard.

Pyetja e parë është: Pse tani? Pse me amnisti?

Ka për detyrim sipas kushtetutës të falë gjobat por kjo nuk është një amnsiti, qeveria nuk sjell amnisti sepse nuk kërkon amnisti që arrihet me bashkëpunim, por ka sjellë një ligj të thjeshtë me 71 vota. Pse fali vetëm 50 miliardë, kujt ia fali?”, deklaroi Blushi i cili shtoi: “Çdo nen fillon me fjalën fshihen, shuhen, vetëm neni 7 pika p thotë shuhet, shuhen efektet tatimore, borxhet që disa kompani i kanë , vetëm kur janë të rregjistruar te agjencia kombëtare e burimeve tatimore. Këto janë kompani të mëdha në Shqipëri, që kanë gjithë pronat tona publike, atyre i shuhen detyrimet ndaj shtetit, kush është pronari, kujt po i falen detyrimet, atyre që i janë falur koncesione të pandershme. Bankersi është një prej tyre.”.

Projektligjet e miratuara:

1-“Për mbrojtjen e dëshmitarëve dhe bashkëpunëtorëve të drejtësisë” 86 vota pro

2-“Kodi i Procedurës Penale i Republikës së Shqipërisë”88 vota pro

3-“Kodi Penal i Republikës së Shqipërisë” 88 vota pro

4-“Kodi i Drejtësisë për të Mitur” 88 vota pro

5-“Kodi i Procedurës Civile të Republikës së Shqipërisë” 87 vota pro

6-“Ligji për organizimin dhe funksionimin e gjykatave administrative dhe gjykimin e mosmarrëveshjeve administrative” 88 vota pro

7-“Për organizimin dhe funksionimin e Ministrisë së Drejtësisë” 86 vota pro

8-Projektligji për lirimin e frekuencave dixhitale 86 pro 2 kundër

9-Projektligji për fshirjen e Detyrimeve Tatimore 86 pro 2 kundër (D.D/Shuplaka)