Kryeministri Edi Rama këtë të dielë e ka nisur paksa ndryshe nga ditët e tjera. Ndërsa nuk nguron që të urojë qytetarët për një ditë sa më të qetë, Rama ka publikuar në Facebook edhe pjesë nga filmi shqiptar i animuar për fëmijë me titullin: “Kush qesh i fundit?’.
“MIRËMËNGJES dhe ju uroj një të dielë të qetë, me këtë film kalamajsh për të rritur që po nuk e patë vetë të paktën tregojuani kalamajve”, shkruan Rama.
Ajo që na bie më shumë në sy është titulli i këtij filmi vizatimor. “Kush qesh i fundit?”, edhe pse kjo është me pikë pyetje, Rama thekson se ky është një film “për kalamajsh të rritur”.
Nuk dihet nëse Rama po e shikon me të birin e tij Zahon këtë film apo ka një ironizmin për situatën politike në vend.
Duhet thënë që ditët e fundit ka pasur tensione dhe debate në politikë, edhe mes kryeminstrtit Rama dhe Ben Blushit, ku nuk kanë munguar as ofendimet. Gjatë seancës plenare të ditës së enjte Blushi i dha përgjigje një gjëagjëze që e kishte shtruar prej kohësh se kush ishte macja, ku me gisht theksoi se macja është Rama. Por sot filmi vizatimor i Ramës ka protagonist një mi dhe një mace, ku fitimtarja del macja.
Po kështu ky reagim i Ramës vjen në një kohë kur opozita proteston prej një muaj në Bulevardin përballë Kryeministrisë, ku kërkon dorëheqjen e Ramës dhe krijimin e qeverisë teknike. Ndërkohë, dhe aleanca qeverisëse, PS-LSI ka pasur përplasje dhe replika mes tyre. (J.V/Shuplaka)
