Ben Blushi e ka vendosur vëmendjen në fjalën e tij tërësisht te çështja e zhvillimeve në Kosovë. Sipas tij ka një projekt ndërkombëtar për ndryshim të kufijve.
”Ka disa sinjale që na detyron ta marrim seriozisht atë që po ndodh në Kosovë. Muri në Mitrovicë i ka izoluar shqiptarët dhe serbët. Nga Muri vimë te arrestimi i Haradinajt që është një mesazh që klasa politike nuk arrin të unifikohet. E për të kaluar pastaj te armatosja e përgjithshme e popullsisë dhe te treni serb.
Ajo që po ndodh në Kosovë dëshmon se projekti i Kosovës së lirë ka dështuar. Besoj se është e qartë se ka një përpjekje sot për të bërë ndryshimin e rendit të gjërave dhe një nga këto është dhe ndryshimi i kufijve. Serbia është shteti i parë që e mbështet Kosovën sot Koosva mund të jetë viktimë e lodhjes së botës nga paqja. Për fat të keq sot Bashkiimi Europian nuk ka një qëndrim për Kosovën, ashtu si për shumë çështje të tjera.
Nga dalja e Anglisë te terrorizmi te zgjedhjet në Amerikë, te zgjedhjet Parlamenare në Gjermani dhe Francë. E pra politika e jashtme nuk është prioriteti i tyre i ditës. Natyrisht ky është një cikël historik që nuk na favorizon aspak as ne as Kosovën. Nuk kam dalë të sulmoj BE-në, po ama ne duhet të reagojmë. Në 10 vite Kosova nuk ka një kohezion të brendshëm, Kuvendi është i brishtë, rasti Haradinaj është rasti themelor që klasa politike ka dështuar. Nga ana tjetër aleati më i madh i Kosovës SHBA është në tranzicion. Serbët duan ta ndajnë Kosovën, dhe kjo mund të kthehet në të ardhmen në një plan ndërkombëtar.
Ne kemi sheqerosur marrëdhëniet me Serbinë, kemi helmuar marrëdhëniet me Greqinë, jemi në kaos me Maqedoninë, kemi dobësuar marrëdhëniet me BE-në dhe kemi luajtur ruletën ruse me SHBA. Politika jone e jashtme ka dëshmuar se politikës sonë të jashtme i mungon parashikimi, është njësoj sit ë laush basketboll pa dorë. Shqipëria nuk ka në dorë ta ndihmojë sot Kosovën. Shqiëria nuk mund të jetë dot një faktor për cështjen e Koosvës. Kam propozuar një rezolutë në Komisionin e jashtëm të Parlamentit të Shqipërisë përsa kohë nuk ka një qëndrim të qartë. Ndarja e Kosovës do kishte vetëm një pasojë: bashkimi i Shqipërisë me Kosovën do nishte e vetmja pasojë e arsyeshme”, ka deklaruar Blushi. (E.K/SHUPLAKA)
