Ben Blushi është opozitari i vetëm i mbetur brenda sallës së Parlamentit. Në fjalën e tij të majtur sot në Kuvend dha këshillën e tij se çfarë priste të dëgjonte nga Ministri i Brendshëm. Ai tha se Xhafaj duhet të dilte sot dhe të paraqiste platformën e tij se çdo të bëjë për situatën e kanabisit.
‘’Reforma në Drejtësi është e bllokuar, Reforma Zgjedhore është e bllokuar. A janë këto arsye për krimin, a duhet të ketë më shumë sesa kaq? Jemi vend që humb vende pune, jemi një vend periferik në BE. Rajoni po hyn në një krizë afatgjatë, shihni ato për të kuptuar se ku do të shkojmë ne .
Është shumë e thjeshtë ne nuk shohim hapa para për të negociuar paraprakisht. Skam hyrë në asnjë tender dhe nuk do të hyjë në asnjë tender.
Më vjen keq që as ministri i fundit i brendshëm që është emëruar nuk ka dalë këtu dhe të thoshte se çfarë do të bëjë tre muajt e ardhshëm për kanabisin. Duhet të dilte këtu e të thoshte se çdo të bëhet për të mbyllur vatrat e kanabisit që janë hapur në të gjithë vendin. Nuk kam shpresë që kjo krizë do të zgjidhet në mënyrrë autonome.
Unë kam dalë në opozitë në mënyrë të vullnetshme, ndryshe nga opozita që kam në çadër’’, deklaroi Blushi. (E.K/SHUPLAKA)
Discussion about this post