Kryetari i partisë Libra, Ben Blushi, i ftuar në emisionin Opinion ka shprehur shqetësimin e tij lidhur me një projekt vendim të Komisionit Qëndron të Zgjedhjeve, që sipas tij synon të eliminojë atë dhe grupimin e tij nga zgjedhjet.
Blushi deklaroi se në zgjedhje do të marrin pjesë me çdo kusht pavarësisht këtyre problemeve që mund ti dalin rrugës. “Sipas Kodit Zgjedhor, një parti e re mund të garojë në zgjedhje pa pasur 5 mijë firma nëse ka një mandat deputeti, ne kemi dy mandate. Ne jemi regjistruar në fund të janarit, ndërsa mbrëmë në dark KQZ nxjerr një projekt vendim i cili parashikon zhvendosjen e datës së gjashtëmujorit të fundit, mandati im skadon më 18 qershor, ose 1 shtator, ndërsa sipas këtij projekt-vendimi mandati ynë mbaron në prill kur deklarojmë listat.” shprehet Blushi.
Sipas Blushit kjo është një shpikje për t’i penalizuar ata, dhe kjo pasi kundërshtarët e tij kanë frikë nga votat që do i marrin. “Ne kemi kërkuar anulimin e këtij vendimi, megjithatë ne do mbledhim firma, aq sa duhet, mund ti mbledhim brenda një jave.”,. tha ai
Blushi është shprehur se LIBRA është një parti opozitare por që nuk do marrë pjesë në protestën e 18 shkurtit, të thirrur nga opozita dhe veçanërisht PD-ja. Blushi theksoi se këta po dalin duke thirrur shikoni se çfarë po bëjnë rumunët, por ata dolën kundër njërës palë dhe kundër tjetrës. “Nëse shqiptarët një ditë do të dalin në protestë, ata duhet të dalin si kundër Edi Ramës, ashtu edhe kundër Sali Berishës njëkohësisht”. (J.V/Shuplaka)
Discussion about this post