Kreu i LIBRA-s, Ben Blushi, edhe njëherë tjetër ka reaguar mbrëmjen e sotme për marrëveshjen Rama-Basha, këtë radhë në një lidhje të drejtpërdrejt në emisionin “Opinion” dhe jo përmes Facebook-ut.
Blushi shprehet se është dakord me hyrjen e opozitës në zgjedhje, mirëpo sipas tij, kjo marrëveshje ka si synim ndarjen e parave publike.
“Dua të them dy fjalë. Opozita të hynte në zgjedhje dhe jam dakord me çdo kusht përfshirë dhe rënien e kësaj qeverie. Kjo nuk është marrëveshje për cilësinë e zgjedhjeve por është marrëveshje për bashkëqeverisje. Kjo ka zeruar moralin politik të çadrës. Nëse i thua partisë do rrimë në çadër tre muaj për të marrë doganat, hipotekat dhe burgjet e Shqipërisë? Çfarë është kjo? A ka marrëveshje politike. Kjo është nevojë për të ndarë paratë publike.
Të më thotë dikush në studio nëse janë kufizuar financimet për zgjedhje? Por jo po i administron Basha dhe Rama. Kam shumë të drejtë që është një pakt për bashkëqeverisje. Ai pranoi që të humbi zgjedhjet duke pranuar që Edi Rama ti fitojë. Vetëm janë ndarë në tavolinë portofola ministrash. Por në planin afatmesëm do të qerohen këto dy qeveri”, është shprehur Blushi. (D.D/Shuplaka)
Discussion about this post