Kryetari i Partisë LIBRA, Ben Blushi ka kujtuar dhjetorin e viteve ’90-të, ku ai dhe shokë të tij ishin pjesë e protestave rinore. Blushi nuk e fsheh fare zhgënjimin pasi ajo që erdhi pas protestave nuk ishte ajo për të cilën ata dolën në shesh.
Sipas Blushit shumica e shokëve të tij të dikurshëm, pjesëmarrës në protesta janë larguar nga vendi, ndoshta për të mos u kthyer më kurrë.
‘’Me miqtë e mi të Universitetit Blendi Fevziun, Dritan Islamin, Pirro Thanasin, Enin dhe Noelën para 26 vitesh.Të përshëndesje me dy gishta ishte modë ato ditë. Ne ishim studentë dhe besonim se Shqipëria do ndryshonte shpejt. Dhe në fakt ka ndryshuar. Gjysma e miqve të mi në këtë foto kanë ikur për të mos u kthyer më!’’, shkruan Blushi.
