Blushi me urim special për kundërshtarët: Takohemi vitin tjetër, ju pres

Deputeti i LIBRA, Ben Blushi ka postuar një urim special për kundërshtarët e tij politikë me rastin e ndërrimit të viteve.

Blushi mesazhin e ka postuar në profilin e tij në “Facebook, ku jep edhe një këshillë për kundërshtarët e tij politikë.

Postimi i plotë i Ben Blushit në Facebook:

 

NJË URIM SPECIAL KUNDËRSHTARËVE

 

Kam një urim special për gjithë ata që këtë Vit e harxhuan duke u marrë me njeriun dhe jo me idenë. Ideja shkon më larg se njeriu dhe njeriu që shkon pas idesë ecën me larg se njeriu që shkon pas njeriut! Megjithatë duke e ditur se do bëni të njëjtën gjë edhe gjatë Vitit te Ri dua t’ju uroj! Urime kundërshtarë. Takohemi Vitin tjetër kur do jeni më pak dhe shumë më të pasur me ide të varfëra! Ju pres! (A.R/SHUPLAKA)