Kreu i LIBRA-s Ben Blushi ka folur sot mbi listat e PD për zgjedhjet e 25 qershorit duke thënë se e nënvlerëson listën dhe se do të përfaqësojë edhe demokratët e lënë jashtë listave nëse futet në parlament.
Pjesë nga fjala e Blushit:
Ne nuk jemi e keqja më e vogël, në listat tona nuk ka njerëz me mëkate, njerëzit që kanë kandiduar nga partitë e mëdha janë drejtorë. Rama nuk ka hapur një vend pune.
Ne duam të hapim shumë vende pune për të rinjtë.
Jam 100 % i bindur jo vetëm që do të jetë parti parlamentare por LIBRA shkon për tu konsoliduar, ne nuk i jemi lutur kujt për koalicon.
E nënvlerësoj listën e PD.
Çadra përfundoi në marrëveshje për tu futur në qeveri, çadra dështoi duke dëmtuar PD-në klasike, është në favorin tonë kjo pa diskutim.
Dua të shkoj në parlament për të përfaqësuar edhe deputetët e pakënaqur, nga PD. Unë i kuptoj më mirë se kushdo këta, unë e di si është të të vidhet partia, atyre jua kanë vjedhur.
(M.D/ Shuplaka)
