Blushi për të larguarit nga PS: Nuk miratuan kanabizimin e partisë. U jep një mesazh

Kreu i LIBRA-s Ben Blushi ka shkruar në rrjetet sociale për figurat politike që tashmë nuk do të jenë në listat e PS dhe në parlament.

Sipas Blushit, një pjesë e tyre janë hequr dhe kanë ikur pasi nuk kanë pranuar kanabizimin e Partisë Socialiste.

“Unë i uroj atyre mbarësi dhe dua t’i them se e keqja është e përkohshme, dinjiteti është i përhershëm”,-shkruan Blushi.

POSTIMI:

PËR MIQTË QË NUK DO JENË NË PARLAMENT

Disa kolegë dhe miq me të cilët kemi ndarë vite te veshtira nuk do jenë në Parlamentin e ardhshëm. Arta Dade u largua sepse kërkoi zgjedhje brenda partisë, por edhe Namik Dokle, Vali Leskaj, Luljeta Arapi, Pirro Lutaj,Arben Cuko,Namik Kopliku,Vehxhi Mucmata,Erjeta Alhysa, Ylli Zicishti, Anila Agalliu, Eduart Bejko, Lad Kosta,u hoqën nga Rilindja si njerëz që nuk miratuan kanabizimin e Partisë Socialiste. Unë i uroj atyre mbarësi dhe dua ti them se e keqja është e përkohshme, dinjiteti është i përhershëm.

(M.D/Shuplaka)