Kreu i LIBRA-s Ben Blushi, ka deklaruar se në momentin kur u largua nga PS-ja ai nuk ka patur asgjë personale me Ramën, përkundrazi.
I ftuar në emisionin “Top Story”, Blushi sqaroi se nuk ka qenë ai, por kryeministri Rama ai që e ka patur konfliktin personal.
Blushi u shpreh se Rama po ecte nga dështimi në dështim dhe ndihej i rrezikuar nga ai, për këtë ai nuk e la të kandidojë për zgjedhjet për kreun e PS-së.
“Edi Rama ka pasur personale me mua. S’më la të kandidoja. Unë kam besuar gjithnjë që Edi Rama për shkak të shumë dështimeve që pati, ndjehej i frikësuar brenda PS-së. Dhe sigurisht që rruga më e thjeshtë ishte të më luftonte mua”, tha Blushi. (D.D/Shuplaka)
