I ftuar në emisionin “Top Story”, deputeti Ben Blushi ka folur mbi sfidat e partisë “Libra” duke mos harruar të mos sulmojë partitë tradicionale në Shqipëri, PS, PD dhe LSI.
Sipas ish-deputetit socialist, qeveria aktuale është duke zbatuar politike më të djathta edhe se vetë qeverisja e Partisë Demokratike.
“Nëse më sheh nga Rilindja jam majtas. Rilindja është shumë djathtas, nëse më sheh nga PD, jam prapë më majtas, sepse PD është djathtas, por jo më shumë se Rilindja. LIBRA është parti e qendrës dhe provon atë që unë them që ajo nuk është parti e imja dhe nuk është projekti im personal. Libra është një lëvizje e njerëzve të lirë që m’u imponuan edhe mua që Libra të jetë një parti e qendrës. Kjo nuk do të thotë që pikëpamjet e mia bien në kundërshtim me ato që them”, deklaroi ai.
Ai shpjegoi edhe pozicionimin në qendër të LIBRA-s.
“Libra ka vendosur që t’i shkojë më shumë zgjidhjes së problemeve sesa ideologjisë duke besuar që pozicionet e ngurta si të majta, ashtu edhe të djathta nuk kanë prodhuar rezultat pozitiv në Shqipëri, megjithëse nuk janë aplikuar”, u shpreh Blushi. (A.R/SHUPLAKA)
Discussion about this post