Pas akuzave dhe kritikave të socialistit Taulant Balla, sërish nga foltorja e Kuvendit, Ben Blushi u shpreh se nuk do që të zgjatet me replika. Ai vuri theksin tek bllokimi i procesit të reformës në drejtësi.
Deputeti Ben Blushi kritikoi vendimin antikushtetues të Kuvendit, duke u shprehur se vendimi i marrë është i parregullt.
“Nuk dua të zgjatem, ky parlament i Shqipërisë nuk ka të drejtë të marrë një kompetencë që nuk ia jep ligji. Vendimi që morët, sipas Kushtetutës është i parregullt. Ku ia jep Kushteta këtë të drejtë parlamentit?! Ky ligj është shkelur, procesi u bllokua me vendim antikushtetues.
E gjithë kjo është bërë për të bllokuar procesin e zgjedhjeve, për të futur kandidatë jashtë listës së miratuar. Që nga 22 Korriku keni ardhur totalisht për ta prishur. Nuk flas vetëm për Taulantin por se çfarë bëtë ju. E bllokuat procesin me një vendim absurd.”, u shpreh ndër të tjera Blushi.
(XH.A/SHUPLAKA)
