Një grup deputetësh të Kuvendit i kanë dërguar sot një kërkesë zyrtare Kryetarit të Kuvendit Ilir Meta, për të bërë një interpelancë me kryeministrin Rama. Një ndër ta është edhe kreu i LIBRA-s Ben Blushi, i cili në studion e rubrikës “Opinion” të News 24-ës, ka sqaruar se pse është bërë pjesë e kësaj “aleance” me deputetët: Vangjel Dule, Dashamir Shehi, Astrit Patozi, Agron Duka dhe Nard Ndoka.
“Kemi kërkuar një interpelancë urgjente sot me kryeministrin pikërisht për arsye të bllokimit të integrimit, të hapjes së negociatave me BE. Për mua nuk ishte e papritur. Jemi 7 deputetë, procedura ishte e tillë. Për interpelanca, seanca kërkonte të ishin 7 deputetë që të firmosnin. Përgjigje nuk kemi ende, pavarësisht se është detyruese që qeveria të përgjigjet për interpelancë. U shty hapja e negociatave me Shqipërinë. Shqipëria është një vend që nuk mori datë. Çka e shtyn hapjen e negociatave në një datë të panjohur. Kemi parasysh që viti i ardhshëm është një vit i ngarkuar. Në Shqipëri ka zgjedhje”, u shpreh Blushi.
Ndër të tjera Blushi sqaroi se nga kjo interpelancë kërkon vetëm transparencë për çfarë ka bërë dhe çfarë nuk ka bërë qeveria që procesi i integrimit është bllokuar. (D.D/Shuplaka)
Discussion about this post