Deputeti i PD-së, Ridvan Bode, i ka kërkuar kryeministrit Edi Rama që të japë llogari për atë çka po ndodh në vend. Ai iu referua fillimisht rritjes së taksave dhe shterimit të Prodhimit të Brendshëm Bruto.
“Thatë që do të rrisnit mirëqenien e qytetarëve, por ç’ndodhi?! Kjo është qeveria që ka favorizuar të pasurit dhe ka goditur të varfërit. Numërohen në total 2.9 miliardë taksa më shumë të paguara. Shterët Prodhimin e Brendshëm Bruto të vendit. Pagat rriten me 7% ndërsa çmimet me 21%”, është shprehur ndër të tjera Bode.
Duke i cilësuar “demagogji” premtimet e kreut të Qeverisë, ai kërkoi që Rama të japë llogari për rritjen e papunësisë në vend ndërkohë që kishte premtuar 300 mijë vende të reja pune.
“Mirë vende të reja pune nuk krijove, por papunësinë përse e rrite? Nga statistikat e deritanishme, ky është niveli më i lartë i papunësisë, i rritur pas ardhjes tuaj në pushtet. Pse pakësove numrin e përfituesve që janë të paaftë për punë? Pse i ke lënë në harresë ish-të përndjekurit?”, ka vazhduar më tej deputeti.
Në fjalën e tij, ai u përqendrua edhe në sektorë të tjerë si invesimet, arsimi dhe shëndetësia “Janë bërë shumë më pak investime. Në ekonomi po investohet gjithmonë e më pak. Ndërsa arsimi dhe shëndetësia falas nuk rezultojnë askund. Janë premtime të harruara”, e ka mbullur ish Ministri i Financave diskutimin e tij.
Discussion about this post