Pak ditë më parë, mediat britanike publikuan dokumentarin me rrëfimet private të princeshës së Wellsit, Lady Diana.
Në këtë dokumentar, paraqitet edhe shefi i sigurisë së Windsor Dai Davis, i cili tregon disa detaje për vdekjen e Lady Diana por edhe për jetën dashurore të saj.
Davis tregon se Lady Diana ka pasur të paktën 20 dashur, mes tyre edhe Kevin Costner. Megjithatë ai shprehet se princesha nuk ishte e vetmja në pallatin mbretëror që kishte një lidhje jashtëmartesore.
“Në atë kohë nuk kishte shqetësime për sigurinë e princeshës, sepse në Kensington Palace Diana ishte e sigurt. Edhe të tjerë pjesëtarë të familjes mbretërore kishin marrëdhënie dashurore, por gjithçka ishte në një fshehtësi të plotë. Shqetësimi i vetëm ishte të mos vinim në siklet mbretëreshën.”, tha ish-shefi i sigurisë.
Po ashtu Davis ka hedhur poshtë të gjitha dyshimet se princ Harry nuk është fëmija i princit Charles, siç është aluduar nëpër media. Sipas tij, flokët e kuq të Harry-t vijnë nga familja Spencer.
“Kur Harry u ngjis, Diana dhe majori Heëitt, i cili u bë më vonë i dashuri i saj, nuk ishin njohur dhe në atë kohë raportet mes Charls dhe Dianës ishin të mira.
Flokët e kuq të Harry janë të familjes Spencer. Princi tërbohej kur dikush i sugjeronte t’i nënshtrohej ADN: ’Jam djali i babait tim’, thoshte dhe kjo është e vërtetë”, thotë bodygardi i familjes mbretërore.
Tani dalim te vdekja e princeshë Diana-s. Davis shprehet se i vetmi fajtor për vdekjen e saj është Henri Paul.
“Princesha atë ditë ndryshoi itinerar në momentin e fundit. Duhej të shkonte në Itali, por shkoi në Paris me Dodi Al Fayed.
Ishte e pamundur të organizoje një atentat me atë ndryshim programi. Mendoj se i vetmi përgjegjës për vdekjen e Dianës, ishte shoferi Henri Paul. Ishte i dehur dhe nuk duhet t’i jepte makinës. Është e vërtetë që fotografët e ndiqnin Dianën kudo, por makinat fotografike nuk vrasin. Vrasin vetëm shoferët e dehur”, tregon Davis.
Pas trajlerit të parë pritet të dalin të tjera publikime, rrëfime sekrete të princeshës së Wellsit, e cila ndërroi jetë në një aksident me makinë në Paris, më 31 gusht të vitit 1997. (D.D/Shuplaka)
