Sali Berisha ka folur sonte në mbrëmje për mundësitë që ka opozita e vendit teksa zgjedhjet janë 4 muaj larg. Ai ka thënë se në optikën e tij, opozita duhet dhe do të luftojë që të garantojë se zgjedhjet do të jenë të lira dhe më pas normalisht të futet dhe të garojë.
“Kjo është situatë pa kthim, unë jam më i vjetër se këta të tjerët në politikë dhe nuk kam bojkotuar asnjëhere zgjedhjet. Situatë si kjo nuk ka patur , bojkoti do të ishte vetërasje. PD do të garantojë me cdo kusht zgjedhjet. Ka 52 forma të mosbindjes civile, nëse krimi triumfon dhe shkelmon, vendi nuk bëhet. Opozita duhet me cdo kusht të hyjë në zgjedhje”, ka thënë Berisha .
Ai ndërkohë i ka bërë thirrje Ramës që të kuptojë situatën politike pasi sipas tij ai nuk ka mbajtur asnjë premtim që ka dhënë në zgjedhjet e shkuara.
“Unë i them Ramës kaq, përpiqu të kuptosh situatën, në 4 vite të rëndojnë 40 mashtrime të programit elektoral. Ka vetëm një premtim të mbajtur, heqja e TVSH për ilacet, edhe ai pjesërisht. Shqipëria asnjëherë nuk është quajtur Kolumbia e Europës, kurrë nuk është quajtur banditistan”, ka thënë ai.
Partia Demokratike tha Berisha ka një mijë arsye që të garojë në zgjedhje dhe të fitojë por më parë të garantojë që ato nuk do të preken me cdo mënyrë demokratike. (M.D/ Shuplaka)
