Në inaugurimin e sotëm të muzeut të Gjetheve, muzeut më të ri në vend, kryeministri Edi Rama u shpreh se brenda saj fshihet një thesar i kujtesës sonë kolektive.
Mirëpo ndërsa kryeministri fliste dhe fliste papushim, Daut Gumeni i ndërpret fjalën kryeministrit duke i thënë të mos e zgjaste shumë fjalën.
Por Rama s’ia ka përtuar duke iu përgjigjur me një batutë mjaft të rëndë në fakt.
“Kam akoma edhe 3 faqe të tjera, por ky është muzeu që pavarësisht statusit të kryeministrit, duhen dëgjuar ata për të cilët në fund të ditës është shumë e rëndësishme sot që hapen dyert e këtij muzeu dhe unë mund të bëj kryeministrin jashtë këtij oborri, ndërsa brenda këtij oborri është Dauti që vendos për axhendën dhe kohën e fjalës sime. Por në fund të fundit Daut jeta prandaj është kaq e bukur.
Ti hyre në burg dhe se di sa vite mbete brenda se u talle me foton e një sekretari partie por ja ku je gjallë ndërkohë që ai tjetri është në botën tjetër dhe ke mundësi t’i thuash kryeministrit boll tani se shumë e zgjate, një ngushëllim që nuk mjafton për gjithë ato tmerre dhe jam i bindur që po të pyesnin tani a do i kaloje prap ato tmerre që të vije këtu për t’i thënë kryeministrit “Boll e zgjate”, por unë po të bëj nderimin që të ma mbyllësh gojën se vërtet shumë e zgjata.”, ia ktheu Rama. (D.D/Shuplaka)
Discussion about this post