Presidenti i zgjedhur i vendit Ilir Meta ka lëshuar një deklaratë “bombë” për kryeministrin Rama teksa tha se ai manipuloi shumë ndërkombëtarë dhe se sillet si pronar i vendit.
Pjesë nga fjala e Metës:
Kemi të bëjmë me dy individë që fshijnë listat, ngjajnë si dy pika uji, si është vepruar me listat e kandidatëve.
LSI do të jetë partia më e madhe.
Mund të jetë një rilindje e përbashkët ku të gjejnë veten të dy.
Ai donte të bënte një reformë pa opozitën me qëllim, arriti të manipulonte edhe shumë ndërkombëtarë, për shkak edhe të paaftësisë së opozitës, nuk mbronte dot drejtësinë e pozicionit të saj.
Synonte edhe shpërbërjen e opozitës, unë nuk e bëra për PD por për demokracinë. Kjo marrëveshje është bërë me mungesë transparence.
Unë nuk mendoj se ka ndodhur diçka në raportin tim me z. Rama, por problemi i z. Rama është se nuk e di se çfarë kërkon dhe se çfarë do të bëjë në këtë vend dhe nuk e kupton që të jesh Kryeministër apo të kesh një pozicion të caktuar, nuk do të thotë të sillesh si pronar i vendit dhe të bësh çfarë të duash me institucionet, me demokracinë, me votën e qytetarëve.
Të kesh në mendje vetëm një reformë për të përqendruar të gjitha pushtetet në një dorë, është një marrëzi, nuk është një projekt, nuk është një vizion. Në këtë drejtim, mendoj se shqetësimi i tij ka qenë vetëm qëndrimi im parimor dhe i Lëvizjes Socialiste për Integrim në dy momente kyçe, por ka edhe çështje të tjera, mendoj unë: një është te reforma në drejtësi, ku ai donte të bënte një reformë në drejtësi pa opozitën, me qëllim kapjen e plotë të sistemit të drejtësisë, në kundërshtim edhe me rekomandimet e Komisionit të Venecias, dhe arriti të manipulonte edhe shumë ndërkombëtarë, por padyshim që dështoi për arsye se…
I manipuloi ndërkombëtarët?
Arriti të manipulonte shumë për shkak të paaftësisë të opozitës, e cila nuk ishte shumë koherente, e para.
(M.D/Shuplaka)
