Tashmë divorci mes Neymar dhe PSG është vetëm çështje orësh. Një tjetër kapitull i ri i shtohet tanimë “telenovelës: së brazilianit, me lajmet nga Brazili që duket se zbardhin përfundimisht të ardhmen e lojtarit.
Sipas raportimeve të “UOL Esporte”, ylli i përfaqësueses së Brazilit mësohet t’u ketë komunikuar tashmë drejtuesve më të lartë të PSG, respektivisht presidentit Al Khelaifi dhe drejtorit Leonardo, vullnetin e tij për tu transferuar nga klubi francez.
Futbollisti në fakt nuk ishte prezent këtë të hënë grumbullimin e skuadrës kampione të Francës për rifillimin e përgatitjeve, duke nxitur një deklaratë të ashpër të klubit, që duket se është reagim ndaj vullnetit të shprehur të Neymar për largim.
Dëshirë të cilën, sipas medias braziliane, O Ney ia ka komunikuar edhe bashkëkombasve të tij te PSG, me ëndrrën për një rikthim te Barcelona.
Discussion about this post